“BODI FAMILY DAY – 2025” арга хэмжээ зохион байгуулагдлаа|
|
|
“BODI FAMILY DAY – 2025” – Хамтын үнэ цэн, ногоон ирээдүй
“Цэцэнс Майнинг энд Энержи” ХХК-ийн хэрэгжүүлж буй Бөөрөлжүүт цахилгаан станцын төслийн талбайд Бодь Группийн хамт олон гэр бүлийнхний хамтаар хүрэлцэн ирж, цахилгаан станц болон уул уурхайн бүтээн байгуулалттай танилцан, байгаль орчныг хамгаалах “100 Зуун Мод” төслийн үйл ажиллагаанд нэгдлээ.
Арга хэмжээний үеэр Жавхлант нуурын дэргэд мод тарих өдөрлөг амжилттай зохион байгуулагдаж, Бодь Группийн харьяа 7 компанийн 78 ажилтан болон 177 гэр бүлийн гишүүн идэвхтэй оролцлоо. Тэд агч, хайлаас, голт бор, улиас гэсэн 4 төрлийн нийт 2,547 ширхэг модны суулгац тарьж, орчны ногоон байгууламжийг нэмэгдүүлэхэд бодит хувь нэмэр орууллаа.
Энэхүү санаачилга нь Бөөрөлжүүт цахилгаан станцын байгальд ээлтэй, тогтвортой хөгжлийг дэмжих бодлогын нэг хэсэг бөгөөд байгаль орчноо хамгаалах үйлсэд идэвхтэй оролцсон Бодь Групп, Цахилгаан станц болон Уул, уурхайн хамт олонд чин сэтгэлийн талархал илэрхийлье.
