Бөөрөлжүүтийн уурхай 1 сая тонн нүүрс олборлов|
|
|
“Цэцэнс Майнинг энд Энержи” компани нь Бөөрөлжүүт хүрэн нүүрсний ил уурхайгаас 1 сая тонн нүүрс олборлосны баяраа тэмдэглэлээ.
“Хамтын хүчээр 1 сая тонн” гэх уриа дор зохион байгуулагдсан тус арга хэмжээнд Уул, уурхайн газрын нийт 185 гаруй ажилтнууд гэр бүлийн хамт арга хэмжээнд оролцсон ба “Ур Чадвар”-ын тэмцээнд нийт 110 операторууд 5 төрлийн хүнд машин механизмыг ашиглан, өөрсдийн мэдлэг, ур чадвар, авхаалж самбаагаа сорилоо.
Тус уурхай нь Улаанбаатар хотод хамгийн ойр, дөрвөн улирлын турш тасралтгүй үйл ажиллагаа явуулдаг онцлоготой, жилд 2.0-5.0 сая тонн эрчим хүчний хүрэн нүүрс олборлон нийлүүлэх хүчин чадал бүхий найдвартай, тогтвортой үйл ажиллагаатай, үндэсний хөрөнгө оруулалттай томоохон уурхай болон өргөжин тэлж байна.
